Khutbah Jum'at Bahasa Makassar

 

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْهُ فَلاَ هَادِيَ لَهُ. وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. يَا أَيُّهَا النَّاسُ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ. قَالَ تَعَالَى: يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. قَالَ تَعَالَى: يَا أَيُّهَا النَّاسُ اتَّقُوْا رَبَّكُمُ الَّذِيْ خَلَقَكُمْ مِّنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيْرًا وَنِسَآءً وَاتَّقُوا اللهَ الَّذِيْ تَسَآءَلُوْنَ بِهِ وَاْلأَرْحَامَ إِنَّ اللهَ كَانَ عَلَيْكُمْ رَقِيْبًا. يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا.

أَمَّا بَعْدُ؛ فَإِنَّ أَصْدَقَ الْحَدِيثِ كِتَابُ اللهَ، وَخَيْرَ الْهَدْيِ هَدْيُ مُحَمَّدٍ صَلَّى الله عَلَيْهِ وَسَلَّمَ وَشَّرَ الأُمُورِ مُحْدَثَاتُهَا وَكُلَّ مُحْدَثَةٍ بِدْعَةٌ وَكُلَّ بِدْعَةٍ ضَلاَلَةٌ وَكُلَّ ضَلاَلَةٍ فِي النَّارِ. اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ.

Kaum muslimin yang InsyaAllah dimuliakan dan dirahmati oleh Allah SWT.

Maeki naki massing ampoterangi pammuji pappakalompota labbipa iya nikanayya sukkurutta mange ri Karaeng Allah SWT. 

Ia Karaeng malompoa, Ia Karaeng malammoroka manngamaseang, iya Karaeng tenaya sampa' juluna, iya Karaeng ansareaki riala siapa jaina nikmat-nikmat pappinyamang Empo tallasa ritompo'na linoa anne. 

Sanggenna rianne alloa Alhamdulillah, nia ngaseng mangka jaki ambattui pakkio'na Karaengmang Allah SWT, anjalankan sala se're kewajibanta sebagai ummat Islam, iyami antu shalat Jumat secara berjamaah.

Kemudian selanjutnya, taena todong naki takkaluppa, appabattu barisallang pappasala'ma mange rijunjungang mala'biritta, Nabi Muhammad Saw, iya na'bi nautuska Karaengmang Allah SWT, poro a'jari conto kaminang Baji mange risesena ummat rupa taua, la'bipa iya ri sesena ummat Islamnga ritompo'na linoa anne.

Kaum muslimin Rahimakumullah

Selaku khatib, Tak lupa berwasiat kepada Para jamaah dan diri saya pribadi.

Maeki naki tuli nia' anjarreki tappatta, naki tuli nia' ampaka bajiki takwata ri Karaeng Allah SWT. Dan berupaya untuk tidak mengerjakan hal-hal yang tidak sesuai dengan tuntunan ajaran Islam, yg berlandaskan pada Al-Qur'an dan hadist nabi Muhammad Saw.

Hadirin jamaah Jumat tunikamaseanna Karaeng Allah SWT.

Pada kesempatan kali ini, InsyaAllah naku pabattuangki se're khutbah dengan judul, A'gau' baji ri ruayya tau toata.

Jamaah Jumat rahimakumullah.

Paralluna A'gau'baji ri ruayya tau toata niaki Nasa'bu Karaengmang Allah SWT ilalang rikitta' malannyinna: 

Audzubillahi minassyaitonirrojim, Bismillahirrahmanirrahim. 

Wabbudullaha wala tusyrikuwbihi Saian, wabilwali daini Ihsan, Sombai Allah Ta'Ala, nu tea'lalo nia' appa'rua, nanu gau' baji ri ruayya tau toanu. 

Ilalang risura' Lukman ayat 14 nakana Karaengmang Allah SWT,

 وَوَصَّيْنَا الْاِنْسَانَ بِوَالِدَيْهِۚ حَمَلَتْهُ اُمُّهٗ وَهْنًا عَلٰى وَهْنٍ وَّفِصَالُهٗ فِيْ عَامَيْنِ اَنِ اشْكُرْ لِيْ وَلِوَالِدَيْكَۗ اِلَيَّ الْمَصِيْرُ

Kupassuroangi mange risikamma ummat rupa taua, sollanna na'gau' baji mange ri amma' siagang manggena, nasaba amma'nu mengandung dalam keadaan lemah dan bertambah lemah. Nana pasusuko selama ruang taung sallona, appala' sukkuru' mako Mae riNakke siagang riruayya tau toanu, nasaba' inakkeji antu sallang tampa' pammoterannu. 

Jamaah Jumat rahimakumullah.

Dari ayat tadi, sebagai parenta untuk annyomba ri Karaeng Allah SWT, siagang a'gau'baji ri ruayya tau toata, nasaba' massing bajiji kipahanna angkanaya, riwattunta massing nakimbolong ammatta, sanna' sessana, annganrea tamassipa', attinroa tama baji' nakasia', apalagi riwattunta nalassukang, taenamo pa'risi anjoenganna nakasia, nakana tau toayya antu amma'nu anak, riwattunta nalassukang, sanrapangi angkana, soali bangkenna a'dongko' ritallasaka, soali a'dongko' ri matea.

Ilalang se're kisah, le'baki nia' se're tau ambattui na'bita Muhammad Saw. Nampa nakuta'nang Na'bita angkana, Ya Rasulullah Inai rupatau paling parallu kualleang gau bajikku ? Najawabki Na'bita angkana amma'nu, maka rua nampa inai poeng Ya Rasulullah ? Nakana Na'bita amma'nu, maka tallu nampa inai poeng ya Rasulullah ? nakana inja Na'bita amma'nu, maka appa'na nampa inai poeng ya Rasulullah ? Nakanamo Na'bita Bapaknu. 

Le'baki se're wattu nakana Rasulullah Mae ri para sahabatnya. Erokko kupawwang dosa kaminang Lompoa ? Najawabki sahabat ka, eroka' ya Rasulullah. iami antu tau niaka appa'rua Ri Karaeng Allah SWT siagang tau niaka doraka ri ruayya tau toana, iami anne tau cilaka rilino la'bipa iya riallo ribokona Karaeng Allah SWT.

Lanri kammanami anjo hadirin, ikatte tau niaka inja attallasa tau toana, maeki naki massing ampakala'biriki tau toata, teaki ma'ring angga'garaki naki pagalanta biberetta, kikanangmi apa eroka' kikana, kigaukangmi apa eroka' kigaukang, taenamo naki ballaki sipa' anngali iareka siri-sirika. Bella maki ripanngadakkang.

Kiu'rangi sai sari'battang pammarakainna ruayya tau toata', kiu'rangi sai kelong-kelong pappatinrona iamma'. Punna nakala' kalaengki ri wattu ca'di ca'dita.

Garrigki sallang, naia rera atinna, tanggappa attinro amparakaiki. Naia tosseng manggeta, sassang inji sallang nassulu'mo ampa'boyangki dalle'. Tana issengmo kerea allo kerea banngi, dengan harapan, barang lompoki nai' nani balasa' siagang te'ne.

Jamaah Jumat rahimakumullah.

Ka'deji kapang eroki nibalasa' ruayya tunnganakkanta siagang pakkalumannyangang niaka kiballaki rikamma kammaya anne, manna poeng kisareang ngaseng barang-barangta, tassinnganggara' siagang lompona jasa-jasana tau toata ,amparakaiki sanggenta lompo nai', a'jari tau sungguh baji empoanta.

Mingka parallui kiasseng sari'battang, teaji barang-barang nakeroki tau toata, passanngali panggaukang baji siagang pappala' doanganta, lapunna toami ero' tongi massing niparutusu' rianak-anakna. 

Kipahangi sari'battang angkanaya, mana poeng gammarakki, tinggi panngassengangta, tinggi pangkatta siagang baji empoangta, punna dorakaki ri tau toata, yakin maki angkana, taena antu nasalewangang tallasatta baji rilino la'bipa iya riallo ribokona Karaeng Allah SWT. 

ingakki ripappasanna Na'bita Muhammad Saw rinakananna, Rellanna Allah Taala niaki ri rellanna ruaya tau toata, pangalarroinna Allah Taala niaki ri pangalarroinna ruaya tau toata.

Jama'ah Jumat rahimakumullah

Nia' se're kisah rijamanna Na'bita Muhammad Saw. Nia' se're rupa tau niareng Alkamah, anne Alkamah tau rajeng Assambayang, tau rajeng appuasa tau baji ibadana. Se're wattu natabai garring sanggenna nia'mi ricappa' tallasa'na iareka sakratul maut, sanggenna nia'mi nituntun kalimat Laa Ilaha illallah, mingka taena nakkulle nakanang. 

Anne passalaka' battui kabara'na mange ri Rasulullah Saw. Sehingga niparentammi sala se're sahabatka untuk mange amboyai amma'na anne Alkamah. 

rinia'namo anne amma'na, Nani kuta'nangmo ri Na'bita angkana, ee amma'na Alkamah, dosa apami kapang le'ba' nagaukang anne Alkamah, sanggenna niaki rikammaya anne , Nana jawabmo angkana, Ya Rasulullah anne anakku tau sanna' baji'na, tau baji panggaukanna, mingka le'baki se're waktu, sanna' Dudu pa'risi'na pamaikku napakamma, iyami saba' nataena narella nyawaku sanggenna rikamma kammaya anne.

Sanggenna rianjo wattua Rasulullah Saw naparentangmi para sahabatka untuk appakkumpulu kayu, nakkuta'nangmo amma'na Alkamah, Ya Rasulullah, laniapai anne kayua, Nana jawabmo Rasulullah angkana, anne kayua lanipakei untuk antunui Alkamah, lapunna Tena nakipammopporangi dosana Alkamah, bajikanngangi punna nakasia pepe'na Lino daripada sallang nakasiaki pepe'na neraka iya ta'liwa'2ka bambanna. 

Nana kanangmo amma'na Alkamah, Ya Rasulullah tojengmi Lompo pa'risi'na nyawaku, mingka taena nakurella lanciniki anakku nakanre pepe' ri dallekangku, rikamma-kammaya anne ya Rasulullah, kupammopporangi sikamma dosana anakku Alkamah.

Narile'ba'namo nipammopporang riamma'na, akkullemi nakanang kalimat Laa Ilaha illallah, nakatto tommo nyawana.

Jamaah Jumat rahimakumullah

Rianne kissayya, pappilajarang Lompo akkulle nialle angkanaya, Manna baji sambayangta, mana baji ibadahta mange ri Karaeng Allah SWT, punna dorakaki ri ruayya tau toata, taena antu naki salama' baji rilino, la'bipa iya ri Allo ribokona Karaeng Allah SWT. 

Lanri kammanami anjo hadirin, kuajakki kammaya tompa batanna kalengku, maeki naki massing anjagai hubunganta ri ruayya tau toata, barang ante kamma Nani pasibuntulu'ki sallang riallo ribokona Karaeng Allah SWT, dalam keadaan selamat ilalang surga-Na Karaeng Allah SWT. Aamiin 3x

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِاْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ. 

Khutbah Kedua

اَلْحَمْدُ لِلَّهِ حَمْدًا كَثِيْرًا كَمَا أَمَرَ. وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ، . وَأَشْهَدُ أَنَّ مُحَمَّدًا عَبْدُهُ وَرَسُوْلُهُ . إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي الْعَالَمِيْنَ إِنَّكَ حَمِيْدٌ مَجِيْدٌ. اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ  

رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ.

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ.