KHUTBAH JUMAT BAHASA MAKASSAR

 Assalamualaikum warahmatullahi wa barokatuhu 

Khutbah Pertama: 

إِنَّ الْحَمْدَ للهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيِّئَاتِ أَعْمَالِنَا مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ.

وَأشْهَدُ أنْ لاَ إلهَ إلا اللهُ وَحْدَهُ لاَ شَرِيْكَ لَهُ ، وَأشْهَدُ أنَّ مُحَمَّدًا عَبْدُهُ وَرَسُوْلُهُ ،

يَا أَيُّهَا النَّاسُ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ. قَالَ تَعَالَى: يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ. قَالَ تَعَالَى: يَا أَيُّهَا النَّاسُ اتَّقُوْا رَبَّكُمُ الَّذِيْ خَلَقَكُمْ مِّنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيْرًا وَنِسَآءً وَاتَّقُوا اللهَ الَّذِيْ تَسَآءَلُوْنَ بِهِ وَاْلأَرْحَامَ إِنَّ اللهَ كَانَ عَلَيْكُمْ رَقِيْبًا. يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا.

أَمَّا بَعْدُ؛ فَإِنَّ أَصْدَقَ الْحَدِيثِ كِتَابُ اللهَ، وَخَيْرَ الْهَدْيِ هَدْيُ مُحَمَّدٍ صَلَّى الله عَلَيْهِ وَسَلَّمَ وَشَّرَ الأُمُورِ مُحْدَثَاتُهَا وَكُلَّ مُحْدَثَةٍ بِدْعَةٌ وَكُلَّ بِدْعَةٍ ضَلاَلَةٌ وَكُلَّ ضَلاَلَةٍ فِي النَّارِ

Hadirin sidang jamaah Jumat tau toa sari'battang tuni pakalabbirikku ngaseng niaka hadir.

Maeki naki massing ampoterangi pammuji pappakalompota, la'bipa iya nikanaya sukkurutta mange ri karaeng Allahu SWT, Ia Karaeng malompoa, ia karaeng malammoroka, ia karaeng siratanga nisomba, ia karaeng siratanga nipappalakki siagang nipakkusianngi allo banngi. 

Iaji Karaeng ansareaki, riala siapa jaina nikmat-nikmat pappinyamang, empo tallasa' ri tompona linoa anne.

Sanggenna ri anne alloa Alhamdulillah, nia injaki nasare nikmat kagassingang, nikmat iman, kammaya tompa nikmat umuru attallasa' ritompo'na anne lino. Naki niamo ambattui pakkio'na karaeng Allahu SWT ri tampa mala'biri'na untuk allaksanakangi, sala se're kewajibanta selaku umat islam, iami antu sambayang juma' secara berjamaah.

Nasaba' jai tong injipi anjo mange sari'battangta, parangta ummat islam, nisare tong injipi buku magassing, kammaya tompa nikmat umuru' attallasa' ritompo'na anne lino. Mingka kodong, taenapa rapi-rapi'na, antama ripikkiranna  poro ampadakkai bangkenna antama rimasigika, untuk allaksanakangi sambayang berjamaayya. Sannging pappidalle'naji Allah Ta'ala allo-allo naboya, mingka taena injapa naero anngu'rangi annyomba mange ri karaeng Allahu SWT.

Padahal massing baji'ji kipahanna angkanaya, sangkamma usaha niaka kigaukang ritompo'na anne linoa, Karaengmang Allah SWT ansareki wassele', Karaengmang Allah SWT appattantui risike'de' iareka rimajaina wassele'na usahata.

Taena nanngu'rangi angkana, se're waktu sallang anjo pa'barang-barannganga, punna teai ikatte riolo ambokoi, maka ikatte riolo lana bokoi.

nakana karaeng Allahu SWT ilalang ri kurang mala'biri'-Na.. 

"Wamal hayatuddunnia Illa mata'ul gurur". anne katallassang lino, tidak lain hanyalah kesengan yg menipu.

Hadirin sidang jamaah Jumat rahimakumullah.

Salam dan salawat, tak lupa pula kita kirimkan Kepada Baginda nabi besar Muhammad SAW, ia nabbi nautuska Karaengmang Allah SWT, poro a'jari contoh kaminang baji mange risesena ummat rupa taua, la'bipa iya risesena ummat Islamnga ri tompona linoa anne.

Selaku khatib Tak lupa berwasiat kepada para jamaah dan diri saya pribadi, marilah kita tingkatkan keimanan dan ketakwaan kita kepada Allah SWT, nasaba', jalan satu-satunya untuk anggappa kasalamakkang lino sanggenna mae riakhera', iamintu dengan iman siagang takwata ri Karaengmang Allah SWT.

Sangkamma niaka narampe Karaengmang Allah SWT, "watazawwadu fainna khairazzadittakwa", pasadia laloi bokonta ke'nang, nabokong kaminang bajika, iami antu takwa ri Karaengmang Allah SWT.

Hadirin sidang jamaah Jumat tau toa sari'battang tuni pakalabbirikku ngaseng niaka hadir.

Judul khutbah yg insya Allah kupabattuangki pada kesempatan kali ini iami antu, 5 wasiat malaikat Jibril as.

Diriwayatkan dari sahabat yang mulia, yang bernama Sahal bin Saad radiyallahu ta'ala anhu. Nakana Na'bita SAW, Aatani jibril, sikana tojengna niaki battu malaikat Jibril, anngerang 5 pappasang untuk ikambe umma' rupa taua. 

Pesan pertama iyami antu, ismaa syi'ta fainna kamayyitun. Jappaimi katallassang linota situru' kikerokia, mingka u'rangi angkana, pasti antu lanabattuiki nikanaya mate.

Erokki attallasa' dengan ketaatan kepada Allah, silahkan, erokki attallasa' mengabdi kepada selain Allah, silahkan, erokki appakajai barang-barang, attinggi-tinggiang pangka' siagang jabatan silahkan, mingka ingakki' angkanaya, mau tidak mau, suka tidak suka pasti lana battuiki nikanaya mate, sangkamma pa'barang-baranngang niaka nipakkumpulu' ritompo'na anne linoa, pasti lani bokoi ngaseng, nampa lani kuta'nang ngasengki, kabattuang siagang pa'lampanna barang-barang le'baka massing kiballaki.

"Kul innal mautallazi tafirruna minhu ,fainnahu mulakikum". Kanangi Muhammad, mange ritau eroka lari battu rikamateang, "fainnahu mulakikum", pasti antu lanabattuiko. 

"Aina maa takunu yudrikkumul maut, walaukuntum fi burujim musayyadah", mana kere-kere mae tampa' paccakkoannu, Manna masarro kassa' tampa' paccakkoannu, pasti antu lanabattuiko. 

Kaum muslimin rahimakumullah.

Kipileimi erokki ante kamma beteta anjappai tallasatta', mingka kupakaingakki kammaya tompa batanna kalengku, pasti lammoterang ngasengki, lanaung ngasengki ripakkuburanga.

Na pammantanngang rawa butta, sanna' bellana sisalana pammantanngang ritompo'na anne buttaya. Ammantang ritompo'na anne buttaya paling 60 sanggenna 70 Taung, mingka ammantanga rawa butta akkullei bilangngang taung, akkullei assa'bu taung, bahkan jutaan taung. 

Na'bita Muhammad Saw, rupa tau paling ningaina Karaengmang Allah SWT, nisare izin attallasa' ritompo'na anne linoa, kurang lebih 63 tahun, siapami sallona Na'bita rawa butta?, la'bimi sisa'bu tahun. 

Lanri kammanami anjo kupaka ingakki' sari'battang tau toaku, hayataka kobla mautika, kipaka bajiki tallasatta' untuk kabajikangta sallang, punna niakki ammoterang ri ero' kalompoan-Na Karaengmang Allah SWT.. 

Kaum muslimin rahimakumullah .

Pesan malaikat Jibril yg kedua iami antu, wahdit mansi'ta fainnaka mufarikuhu. Manngai maki riapa eroka massing kingai, mingka ingakki' angkanaya se're wattu sallang, pasti lassisa'lakki Sagang apa niaka kingai. Erokki anngai ribainenta silahkan, erokki anngai ri anak-anakta silahkan, erokki anngai ri jama-jamanta iareka pakkalumannyanganta silahkan, mingka ingakki' sari'battang Fainnaka mufarikuhu, nia' wattunna sallang lassisa'lakki'. Tena sikali-kali nia' ma'nannungang lanngagadangki. 

Sangkamma niaka narampe Na'bita Muhammad SAW, punna nia' ammoterang se'rea rupa tau, Yatbaul mayyitu tsalasa. Nia tallu lamminawang mae rikuburu'na, ahluhu wa maluhu wa a'maluhu. Bija pammanakanna, hartanya siagang amala panggaukanna, mingka rua lammotere, bija pammanakanna lammotere riballa'na, oto porena nipakea ngantara mae rikuburuka, nipoterang todong untuk a'jari warisan. ia lammantanga lanngagadangki se'reji, iami antu amala' panggaukanta, selama niakki' tallasa' ri tompona linoa anne.

Lanri kammanami anjo hadirin, hati-hatiki lappadongko panngai ri tompo'na anne linoa, taenaja nani larangki anngai riparanta rupa tau, taenaja nani larangki anngai ripakkalumannyangang, taenaja nani suroki angkurisi pakkalinoanta, mingka tea tongki utamakangi panngainta rilino, dibandingkan panngainta ri Karaengmang Allah SWT.

"Yaa ayyuhallazina amanu laa tulhikum amwalukum walaa auladukum anzikrillah, wa mayyaf'al zalika faulaika humul khosirun".

Eee sikamma tumatappaka, teaki napassabakki pa'barang-baranganta, napassabakki anak-anakta, naki nia' ambawang bawangngangi anngu'rangi parenta-Na Allah Ta'ala. Inai nainamo Nia rikammaya, sitojeng tojennaya iami antu tau masarro rugi.

Lanri kammanami anjo, panngai niaka ma'nannungang, iami antu panngai ri Karaengmang Allah SWT, panngai ri Na'bita Muhammad SAW, panngai riamal-amal saleh, iareka panggaukang bajitta. 

Bukti panngainna se'reang tau toa ri anak-anakna, iami antu, rinia'na nadorong untuk belajar agama, antingkatkangi pendidikan agamana, nasaba', massing baji'ji kipahanna angkanaya, sala satu sebab, tenana nanjari nisessa se'reang rupa tau ilalang kuburu', napassabakki Do'a-do'ana massing anakna ritompo'na anne linoa.

Begitupun sebaliknya, gassing napassabakki anak-anakna, nase'reang tau toa nisessa rawa kuburu,. Kagassing gara-gara pa'barang-baranngang niaka nabokoi tau toana, naniamo napare' pa'beserang.

Lanri kammanami anjo hadirin, kipammopporanga, tena kubermaksud lanngajariki, mingka kupakaingakki kammaya tompa batanna kalengku, punna lappadongkokki pa'barang baranngang, iareka warisan rimassing anak-anakta, kiatoroki siagang baji, nasaba', punna niaki abbese're' anak-anakta, napassabakki apa niaka kibokoiangi, ikatte nisessa todong irawa rikuburuka.

Hadirin jamaah Jumat rahimakumullah.

Pesan malaikat Jibril yg ketiga iami antu. Wa'mal masyi'ta Fainnaka maj'ziyunbihi. Gaukangmi apa eroka massing kigaukang, erokki a'gauk baji' silahkan, erokki a'gau' kodi iareka a'gauk sala silahkan, mingka ingakki' angkanaya, sangkamma niaka le'ba' kigaukang, pasti nia' ngaseng balasanna. 

"Famayya'mal miskola zarratin khairoyyaro, wamayya'mal miskola zarratin sarraiyaro'". Manna ante kamma ca'dina gau' bajika kigaukang, pasti nia' balasanna, begitupun sebaliknya, manna ante kamma ca'dina gau' sala niaka kigaukang, pasti nia' sallang balasanna, ri dallekan-Na Karaengmang Allah SWT. 

Hadirin jamaah Jumat rahimakumullah

Pesan malaikat Jibril yg ke 4 iami antu. Wa'lam Anna syarafal mu'min kiyamuhu billail. Ketahuilah kemuliaan seorang Mu'min, iami antu ri wattu nia'na ambangung lantang banngi, anngalle je'ne Sambayang, nampa assambayang annyomba mange ri Karaengmang Allah SWT. 

Nasa'buki Karaengmang Allah SWT tandana tau matappaka, "Tatajafa junubuhum Anil madoji', Yado una robbahum houfum watom'a, wamimma rozakonahum yumfikun". Riwattu banngia, kalenna tau matappaka taena nanapakei attinro bawang, mingka nabangungi nai' kalenna, untuk akkusiang ri Karaengmang Allah SWT. 

Bahkan ilalang ri surah Al-Furqon, narampei Karaengmang Allah SWT, W"yabituna lirobbihim sujjadaw wakiyamah". Massing nala'busuki wattu banngina untuk akkusiang ri karaenna, dengan cara ammenteng sujju, ammenteng sujju.. 

Jai ripassimbangenna kaum muslimin, napakei wattu banngina untuk accini' piala dunia, Jai ripassimbangenna kaum muslimin, napakei wattu banngina ammempo ri pos rondaya, mingka nikanaya tau matappaka sitojeng tojennaya, nala'busuki wattu banngina siagang Karaengmang Allah SWT.

Kaum muslimin rahimakumullah

Pesan malaikat Jibril yg ke 5, "waizzahu istignahu aninnas". kehormatan seorang mu'min ketika dia tidak menaruh harapan kepada manusia. Tau toa sari'battang tuni pakalabbirikku ngaseng niaka hadir, taenantu naki tuna ri dallekanna tau kalumannyanga, punna taenaja naki padongko panrannuang ri iyya. Taenantu naki tuna ri dallekanna tau niaka pangka' siagang jabatanna, kecuali appadongkokki panrannuang iareka harapan ri iya. Ka gassing nia' ripassimbangenna ke'naninga, manngai ta'liwa-liwa'mi ri tau na anggapka tau nia'. Teami gio' siratanga nagiokang, anggaukangmi tasiratanga na gaukang, nasaba' anngondangi pangka' siagang jabatan. Taenamo nasadar bahwasanya ia tonji ampaka tunai kalenna ri dallekanna paranna rupa tau. 

Lanri kamma nami anjo hadirin, punna teaki tuna ridallekanna paranta rupa tau, punna erokki labbiri' empoanta ri tompo'na anne linoa, maeki naki padongko massing panrannuangta iareka harapanta, ri Karaengmang Allah SWT.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِاْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ. 

Khutbah Kedua

اَلْحَمْدُ لِلَّهِ حَمْدًا كَثِيْرًا كَمَا أَمَرَ. وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ، . وَأَشْهَدُ أَنَّ مُحَمَّدًا عَبْدُهُ وَرَسُوْلُهُ . إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، فِي الْعَالَمِيْنَ إِنَّكَ حَمِيْدٌ مَجِيْدٌ. اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ  

رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ.

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ.